بقلم الدكتور/ حمدي بركات العدوي
ملقتيش الا أنا تتعبيني وتعذبيني
وأنا اللي حبيتك وياما حلمت بيكي
أنا اللي وهبت عمري وحياتي ليكي
أنا اللي ياما سهرت الليالي أشتكي حالي في بعادك
أنا اللي سيبت الدنيا كلها عشان خاطر عينيكي
أنا اللي ياما اشتقت نورك ولمحتك وسط الظلام
أنا اللي ياما سهرت الليل مش عارف انام
كل يوم أحلم بعيونك الجميله
أنا اللي دعيت ربي اقابلك
وأقرب منك واشوفك وابقي جنبك
أنا اللي نبضي ما يعزف غير لحن اسمك
ارحميني وحسي بيا عشان ارتاح
لما صوت قلبي وعقلي بيناديكي
لما اروح وانتظر نظرة عنيكي
لما اكون مافيش في الدنيا غيرك
أعمل ايه عشان تحسي بيا
ارحميني ده انا اتعلقت بيكي
وبقيت اصحي وانام علي نور عنيكي |
