بقلم / عادل ابو العلا
أنين الغربه بينوح
على عمري اللى راح مني
بيقولي إمتى هتروح
ويضاحك معاك سني
نسيت الصحبه واللمه
ونومي بين ايدين أمي
وشاي العصر والمروى
والقعده بين عيال عمي
معشتش يوم أنافيكم
ولا انتم كنتوا سكاني
ولا دي أرضي وسمايا
ولا الحضن اللي جوايا
وتاهت مني احلامي
ولا بقالي غير همي
هاتولي العمر من تاني
أعيشه وسط خلاني
وسط ولادي وحبايبي
ووردة عمري وزماني
جنيت أنا على نفسي
مش بسأل عن الجاني |
