بقلم دكتور/ حمدى بركات
هات ريشتك وكمان الوانك
وارسم فيها قلوب تعبانه
وارسم فيها دمعه حزينه
وارسم ضحكه تكون بهتانه
وفي نصف اللوحه اكتب اسمك
واوصف نفسك
واوصف حالتك
واكتب جوه الرسمه كمان
أنا صاحي من النوم تعبان
تعبان جدا من اللي كان
بيقول أنا صاحبك وحبيبك
واللي يصبني لابد يصيبك
ويقولي أنا كتفي في كتفك
ولما احتجته بنادي عليه
ما لقيت غير صدي صوتي يرد
انتي يا صاحبي ليه خلتني
اوثق فيك بعدين تتركني
لا راعيت عشره ولا صداقه
اتاريها عشرة كذابه
اوعي تصدق يوم يتقال
ان دموعك غيرك يمسحها
وان همومك غيرك هيشلها
لازم تبقي واثق من نفسك
وكمان تلجأ للرحمن
واوعي في يوم تشتكي من همك
وارمي همومك علي الديان
وارسم جوه الصوره كمان
قلب طهور وكله إيمان
قلب بيعشق وطنه ودينه
ولا عمره يقبل يوم يتهان
أرسم جوه الصوره مقاتل
واقف صامد للشيطان
يحرص بلده واهله وناسه
من كل خسيس ظالم وجبان
هات ريشتك وكمان الوانك
وارسم مصري سعيد فرحان |
