بقلم أ/ رفعت مختار
يا ما كنت أحلم آه...أتغرب عنك يا بلدي
علشان لقمة عيش...وأعيش فيك يا بلدي
انا وحبيبي وأهلي...ومناي أعلمك يا ولدي
بعدت عنك أسيت...وحسيت بالغربة بدري
يا ما كنت أحلم آه...أتغرب عنك يا بلدي
يبقي معاي سيارة...واقدر أجوزك يا ولدي
ضاع العمرخسارة...حبيت ارجع لك يا بلدي
لقيت اني انحنيت...كبرت وضاع العمر مني
يا ما كنت أحلم آه...اتغرب عنك يا بلدي
يبقي معاي فلوس...واحمدك ربي أنت سندي
تغيرت ليه النفوس...والناس لاموني ايه ذنبي
تعبت كتير و مليت...ولا واحد لقيته يساعدني
يا ما كنت أحلم آه....تكون حياتي فيك يا بلدي
دلوقتي راجع نادم ...أسامحك تسامحيني بلدي
كفاية بس تحضنيني...وكفايه احبك وتحبيني
وهافضل عمري كله...ادعيلك انك تعيشي يابلدي |
