بقلم / راوية الصباحى
في لحظة غريبة من الزمن انفتح الباب...روحي فرحت بالفتح وحسيت اني كنت هنا من زمان ..كان الأزمان بلا حدود ...
او انك حاسس انك كنت عايش فى زمن وفاكره لسه شوية ذكريات ......كل ما اشوف تمثال في المتحف احس انه مش مجرد تمثال ...كان روحه لسه فيه...بتحاكينا ...حتي الحجر له طاقة وروح . . بس نعرف نتأمل ونتعمق
من اجمل التماثيل تمثال بسيط من الخشب...علي رأسه ايدين مرفوعين السما. اسمه تمثال الكا. ...التمثال دة ليمثل الزاهد الورع . .في حضرة نور مع رب كريم..موصول ودايب وهايم في الملكوت تبص في عينه تحسه في دنيا تانية . . باصص للي احنا مكشوف عنه الحجاب جايز. .شايف اللي احنا..مش شايفينه... روح وقلبه شايفين نور ملايكته .... شايفين سكة الخلود...ونور الغروب في شروق شمس في الناحية التانية...شمس تنور دنيا الخلود والأبدية رحلة الروح لعالم الروح...مدد الشوق .. ومدد النور. .سلام وسكينة. وفرح بيوم اللقا
زي مايكون بيقول يارب اجعل احلي ايامي يوم القاك..واقفة قدامه وباصة في عينيه ورائحة معاه في ذكر خفي ...واصل بينا لسابع سما ...بلاحدود هو دة المدد اللانهائي موصول دايما بنور الله زاهد في الدنيا..حابب يوم اللقاء ..كله شوق ..وسلام ومحبة...واستسلام...وسعادة عميقة كانه عارف ان هناك شئ رائع ينتظرك طول عمرك المشتاق |
